انا انسان عادي جدا، بشتغل "طالب" في جامعة القاهرة، طالب توتر، طالب ضغط، طالب شغل، طالب شاي، بطلب اي حاجة وخلاص، وبجانب كده ، انا انسان بحب اني اعيش الحياة بكل حلوها ومرها، واعمل اللي عليا فيها واللي ربنا خلقني عشانه، واعيش واكتسب الخبرة واتعلم، بحارب كتير عشان اعيشها زي ما احب، وبقوم وبقع تاني...وبقوم!
ولكني في وسط حربي متفق على مبادئ وقيم شخصية لن اتنازل عنها، أحاول الخروج من الدائرة المفرغة التي يضع الانسان فيها نفسه بيده، تلك التي تحد من قدراته وتضيع حماسه... بعبارة أخرى: ما زلت ابحث عن نفسي !
مش عارف اوصف نفسي اكتر من كده دلوقتي، لكن كل اللي هقدر اقوله اني عامل البلوج ده لنفسي في الاساس، وبعتبر ان مفيش حد بيقراه غير نفسي في الغالب، وعشان كده فغالبا لو انت وصلت للبلوج ده يبقى انا اديتهولك بشكل شخصي، لاني مش ناشره على الملأ لحد دلوقتي، للمعلومات الشخصية اللي فيه، فإن وجدت ما يفيدك فديه حاجة تسعدني جدا، وبالتأكيد هيسعدني اكتر...تعقيبك ومشاركتي آرائك.